TEGAL LEGA MERE CIMATA

jam dalapan peuting sanggeus... gegelehan sakeudeung, terus nguniang... rada bingung kamana yeuh ulin peuting teh jaba ngan sorangan..., biasana ulin teh sok jeung si salim urang tangerang, ayeuna manehna keur ulin rada jauh.... memang ngajak tapi.. ditolak ku kuring sabab cenah rek leumpang saminggueun... wah can waka arek ari kitumah, alun alun geus kamari dua peuting ulin teh, ah rek ka tegal lega we...

kaluar ti mesjid agung teh kuring leumpang ngaliwatan....jalan asia afrika tuluy mengkol ka otista... masih rame da puguh sore keneh... nu jualan loba nukeur ngaladangan, katingali cape cuh cih,... tapi pasemona eces jentre maranehna galumbira da jualanna payu....

NUHUN

geuning aya..
geuning karasa...
geuning ngageuri...

geuning nyereset...
geuning ngalimba...
geuning beueus...

geuning ngageter...
geuning ngeluk...
geuning medet...

KEROKAN

Dilembur jeung dikota geus umum tur lumrah lamun aya nu asup angin sok dititah atawa ditawarkeun meh dikerok, malahan mun can beureum ngaguratmah rarasaan can puas, da geuning make kudu siga simeong sagala... nepi ka belang

Kerokan teh teu ngan saukur dikanyahokeun di tatar uarang wungkul, sabab geuning di cina ge aya nya disebut gua sua, di Vietnam disebut coo giodi, mun dikamboja di sebut gah kyol. Memang rada beda mun di Cina mah ngerokna make batu giuk teu make duit logam recehan siga di urang, tapi ketang sigana mun diurang ge make singkupmah eta ngerok teh bakal tereh anggeus

HORMAT TILAWAT KA IBU RAMA

Dina zaman Nabi kapungkur, aya salah saurang shahabat Nabi anu jenenganana Al Qamah, anjeunna kalebet hiji shahabat anu kawilang kadeuheus ku Rasulullah, tara kakantun riung mungpulung sareng Rasul, tara kakantun shalat berjamaah di masjid, sumawonna shalat Jum’at jiga urang ayeuna mah, malah anjeunna mah tara kakantun perang dina jihad fii sabiilillah, nya kitu deui anjeunna tara kakantun shaum, teu kakantun munggah haji, oge teu pernah kakantun zakat.

Dina hiji waktos, anjeunna teu damang wales, teras dilalayad ku para shahabat, malah teras ditalqinkeun sagala rupi, ditungtun pikeun ngucapkeun kalimah tauhid “Laa ilaaha illallaah”. Ditalqinkeun dugi ka dua-tilu kalina,

SALAH SAHA SALAH ??????

Sawatara waktu katukang, di hiji lembur aya rampog keur maling ka hiji imah, manehna labuh murag tina palapon imah nepi ka dibawa ka rumah sakit

si rampog nungtut kanu boga imah sabab ceuk manehna alatan nu boga imah teu mariksa palapon, manehna cilaka dina ngalaksanakeun tugas;

"aing teu suka ka sia sabab imah sia bobo jadi aing rek ngadu ka pangadilan, imah sia geus ngajadikeun aing cilaka dina tugas" ceuk rampog bari nulak cangkeng