MIASIH

Dina linduh eta teuteup, katawis aya asih nu mandiri
Dina kareueut imutna, aya tresna nu teu bukti
Sakapeung ieu hate hayang kedal ku suara, hayang wakca ku carita, ngedalkeun eusining hate
Eta imut kanggo saha...?
Eta teuteup kanggo saha...?

Rupina anjeun ngaraos, aya kecap nu saati
Henteu kedal dilisankeun, tapi kedal dirasakeun
Saketi kasedih kingkin, salaksa kabeurat tungara
Wegah mun raga kedah paturay, sanajan urang pada teu wakca

Miasih teu kendat-kendat, mideudeuh teu suda-suda
Muga sanes ngan riwan ngabebenjo harepan, jungjunan...

MAPAG BAGEA

Nyaliksik sisi-sisi peuting, ngalelebah boa-boa papagan peteng, sugan jeung sugan salira barangtunda, sedeng bentang teu cukup nyaangan da bulan kahalangan mega malang, beh mana atuh ?

Da kiricik cainamah eces kadenge, siga jeung sugan laluncatan miheulaan kahayang, majar aya tiis sumanding marengan hegar,

Lalangse peuting ngandelan, poek mongkleng teu malire kahayang, kahayang nu geus lila disidem, satadina sugan ayeuna rek kajewang kadongkang

DI SAGÈDÈNGEUN ANJEUN

Wengi ieu kuring jeung manéhna sarua papada ngeheneng
Haté galecok saru jeung geter hayang nangkeup kageugeut
Diémprakan rasa karémpan, rémpan jadi mamala

Bancét simpé sorana teu kadéngé kalindih ku sora béntang rek murag
Ka oyag kalakay muguran, ngeundeurkeun jagat parat ka mega nineung
Hate rut rét, sedeng panon anger peureum nalikung siku teu werat mageuhan rangkulan

LALANGSE

Poék dijéwang jeung lambaran peutingna
Dikompét dina kélék..
Béntang-béntang pating kocéak, ngilu kajéwang
Sawaréh murag ningang mumuncangan..

Beurang geus datang..
Naon nu kudu dijéwang ?
Ah.., tingal miang

ENDAH MICINTA

Jalan pinuh mobil jeung motor silih sedek, sora klakson raeng ..., mobil beureum ati diantara mobil nu keur ngahunted.., nu nyupirna lalaki, tenang bari teu ieuh siga supir sejen katingali stress...


Di jero mobil beureum.., di jok kenca.., aya macbook silver.., hape blackberry jeung amplop bodas..., di dashboard aya poto awewe geulis keur ngalahun budak awewe.., handapeuna aya holder hape warna bodas... jeung hapena, lagu opick “taubat” ngagalindeng hawar-hawar


Kriiing....kriiiing... hape bodas disada, nu nyupir nempo, tulisan “my love” mucunghul, bari imut manehna mencet tombol dina stir.., sora lagu opick kalindih...

MOAL RINGRANG

peuting geus manjing pangliliran
tapi ati keukeuh kukurilingan
ngotektak seseleke teu kaampeuh

imut salira lir leugeut, napel pageuh dina teuteup bulan nu nyaangan
harewos salira sidendang dina bentang nu maturan
hiliwir angin eces ngusapan pinuh kageugeut kawas salira

UTAMI

Sumilirna angin nu nyecep tiis lir nambahan bukti yeun geuning nyata salira teh atra ayana dina manah ieu jungjunan...

sumirat hibar beureum lebah wetan medalkeun srangenge mapag medalna rasa jeung tresna akang nu salawasna bakal nyarengan...

Kanyaah moal laas, ngan kateundeun mangsa reureuh kapeutingnakeun...

Bakal datang nyaangan isukna...Teu kasilir ku wanci teu kahalangan ku sabab...Sanajan langit rada angkeub

SARENG SAHA ??

Jungjunan…

Sok hoyong terang sareng kalangkang saha anjeun ayeuna anteng neuteup girimis

Hiap panggupay numana diluuhan kusalira sasarengan nyanggapan hujan katresna

BISIKAN RINDU

MUGIA

Jungjunan
Tuh gera titenan parahu nu ngangkleung...
Ibarat asih urang nu teuneung ludeung seja neang kabagjaan...
Pating karetit cahya harepan nambah nambah sumanget urang...

SONO

Gera tingali nyai itu cai nu herang ngagenyas
Gugurilapan ka sorot cahya srangenge...
Angin tiis marengan keclakna ibun nu nyecep
Beueus taneuh isuk isuk siga muntangan

Tapi akang kudu miang...
Makayakeun kahirupan keu urang...
Akang bakal mulang jungjunan...
Mawa kaheman miceun kamelang...

IRAHA...?

Antawirya Hadi :

Salempay tilam katresna
pameungkeut hate
pangiket rasa ti anjeun
lima taun katukang.
Dilipet rapih na diri,
pamungkus rasa nu masih keneh nyantel,
kakurung ku laku
ngabatu na dadasar hate

SANES KUMARGI TAPI SANAOS

Jungjunan naha salira uninga....
naon margina kageulisan istri sok diibaratkeun malati...
margi malati, bodas nyacas najan alit tapi masihan kaseungit nu meleber...
dina layuna masih seungit...
kitu deui salira lir ibarat malati nu mangkak...

Jungjunan naha salira uninga...
naon margina angin sok diibaratkeun katingtriman...
margi angin masihan dalingding nu matri...
najan teu katingal namung karaos ayana...
nyakitu pisan salira lir angin nu masihan katingtriman diri akang...

PANGLAYUNGAN

salira teh anggang mun disawang...
naha atuh akang nganaha-naha...
apanan salira aya...

jungjunan gera itu layung...
aya harepan nu ngagupay...
aya koneng sariak cahyana...
aya endah nu ngagupayan...

PENGGALAN OBROLANKU

rasanya ingin memberikan ruang dan waktu untuk kita tanpa berkata,

hanya saling memandang dalam cinta,

dalam setiap desah nafas yang penuh rasa asmara,

pandangan yang hanyut dalam keperyaan kita bersama,

dalam lenguh badai asmara yang memabukan,

dalam kenantian yang kini terpatri

dalam janji yang tidak akan pernah mati,

tidak akan mati ruh cinta kita, ... sayang...

TAHUKAH ?!

Tahukah ?
Bahwa puisi itu tak mesti ku tulis...
Bahwa sajak itu tak mesti berupa kata...
Bahwa indah tak mesti dipandang...

Indahnya untaian nada tak selamanya harus kuperdengarkan...
Puisi...,sajak...., dan keindahan lainnya adalah semesta luas...
Mereka hidup berkecamuk dalam jiwa dan hati...
Terpaut tipis dengan kebencian dan rasa murka...

***SIMPE***

cimata simpe
nempo anjeun malati paranti jangji
sawangan nangtung na layung Bandung
kembang kaduhung ngadaun sembung
neundeun ibun,mawa kanyaah .......... ceuyah


cimata simpe,mepende hate
sawangan lanjung ngalanglayung
neundeun tresna na hanjuang siang
keur anjeun malati paranti jangji