MIASIH

Dina linduh eta teuteup, katawis aya asih nu mandiri
Dina kareueut imutna, aya tresna nu teu bukti
Sakapeung ieu hate hayang kedal ku suara, hayang wakca ku carita, ngedalkeun eusining hate
Eta imut kanggo saha...?
Eta teuteup kanggo saha...?

Rupina anjeun ngaraos, aya kecap nu saati
Henteu kedal dilisankeun, tapi kedal dirasakeun
Saketi kasedih kingkin, salaksa kabeurat tungara
Wegah mun raga kedah paturay, sanajan urang pada teu wakca

Miasih teu kendat-kendat, mideudeuh teu suda-suda
Muga sanes ngan riwan ngabebenjo harepan, jungjunan...

PEREMPUANKU

Ketika waktu berputar tanpa janji untuk kembali
Kau menjawab segala pertanyaan yang sempat hilang
Aku bangga padamu wahai sang perempuan
Kini tersisa pertanyaan 'untuk apa aku terus bertanya ?'

DI SAGÈDÈNGEUN ANJEUN

Wengi ieu kuring jeung manéhna sarua papada ngeheneng
Haté galecok saru jeung geter hayang nangkeup kageugeut
Diémprakan rasa karémpan, rémpan jadi mamala

Bancét simpé sorana teu kadéngé kalindih ku sora béntang rek murag
Ka oyag kalakay muguran, ngeundeurkeun jagat parat ka mega nineung
Hate rut rét, sedeng panon anger peureum nalikung siku teu werat mageuhan rangkulan

LALANGSE

Poék dijéwang jeung lambaran peutingna
Dikompét dina kélék..
Béntang-béntang pating kocéak, ngilu kajéwang
Sawaréh murag ningang mumuncangan..

Beurang geus datang..
Naon nu kudu dijéwang ?
Ah.., tingal miang

ENDAH MICINTA

Jalan pinuh mobil jeung motor silih sedek, sora klakson raeng ..., mobil beureum ati diantara mobil nu keur ngahunted.., nu nyupirna lalaki, tenang bari teu ieuh siga supir sejen katingali stress...


Di jero mobil beureum.., di jok kenca.., aya macbook silver.., hape blackberry jeung amplop bodas..., di dashboard aya poto awewe geulis keur ngalahun budak awewe.., handapeuna aya holder hape warna bodas... jeung hapena, lagu opick “taubat” ngagalindeng hawar-hawar


Kriiing....kriiiing... hape bodas disada, nu nyupir nempo, tulisan “my love” mucunghul, bari imut manehna mencet tombol dina stir.., sora lagu opick kalindih...