DI SAGÈDÈNGEUN ANJEUN

Wengi ieu kuring jeung manéhna sarua papada ngeheneng
Haté galecok saru jeung geter hayang nangkeup kageugeut
Diémprakan rasa karémpan, rémpan jadi mamala

Bancét simpé sorana teu kadéngé kalindih ku sora béntang rek murag
Ka oyag kalakay muguran, ngeundeurkeun jagat parat ka mega nineung
Hate rut rét, sedeng panon anger peureum nalikung siku teu werat mageuhan rangkulan

LALANGSE

Poék dijéwang jeung lambaran peutingna
Dikompét dina kélék..
Béntang-béntang pating kocéak, ngilu kajéwang
Sawaréh murag ningang mumuncangan..

Beurang geus datang..
Naon nu kudu dijéwang ?
Ah.., tingal miang

ENDAH MICINTA

Jalan pinuh mobil jeung motor silih sedek, sora klakson raeng ..., mobil beureum ati diantara mobil nu keur ngahunted.., nu nyupirna lalaki, tenang bari teu ieuh siga supir sejen katingali stress...


Di jero mobil beureum.., di jok kenca.., aya macbook silver.., hape blackberry jeung amplop bodas..., di dashboard aya poto awewe geulis keur ngalahun budak awewe.., handapeuna aya holder hape warna bodas... jeung hapena, lagu opick “taubat” ngagalindeng hawar-hawar


Kriiing....kriiiing... hape bodas disada, nu nyupir nempo, tulisan “my love” mucunghul, bari imut manehna mencet tombol dina stir.., sora lagu opick kalindih...

MULUNG LIMUS

Girimis kapeutingnakeun dianteur angin nyeor nebak daun, mawa hawa tiris nyelesep ka tulang sandi. Pangeusi lembur dibabade pakandel kandel simut pating purungkut, tapi henteu ka hiji indung nu keur mepende budakna, teu daek sare si asep teh bakat hayang limus, kabita cenah basa beurang di sakola babaturanna marekel limus.

"Geura bobo bageur..., asep enjing mekel limus sepertos nu sanes, sok geura bobo...,"
"Limus tipung nya mih..."

"Muhun,,,, amis geura, raos...!"
"Timana mih ?"

UKURAN BEURAT ATAWA LOBANA PARE

Saranggeuy : Sagagang
Sapocong : Saeundan ; Satengah Geugeus
Sageugeus : 2 Pocong dibeungkeut dihijikeun ; Sakeupeul Pare Ranggeuyan
Sagedeng : Sageugeus
Sabawon : 4 Pocong ; 2 Geugeus
Sasangga : 5 Geugeus
Salajer : 4 Sangga ; 20 Geugeus 
Satanggung : 10 Sangga ; 50 Geugeus
Samadea : 2 tanggung ; 100 Geugeus ; 6 Kati
Sacaeng : 2 Madea ; 200 Geugeus

Saundem : Sataker Beas nu ditaker ku batok,
Sakati : Kira-kira 817,5 Gr
Sagantang ; 10 Undem ; 5 Kati
Saleter : 1 dm kubik
Saemud : Kira-kira setengah leter leuwih
Sakulak : Kira-kira 2,5 Kg keur ukuran Beas
Sapikul : 100 Kati (kira-kira 62,5 kg keur ukuran bangsal)
Sadacin ; Sapikul