24 SELINGAN HIDUP

1. Jangan tertarik kepada seseorang karena parasnya,  sebab keelokan paras dapat menyesatkan. Jangan pula  tertarik kepada kekayaannya,  karena kekayaan dapat musnah. Tertariklah kepada  seseorang yang dapat membuatmu tersenyum, karena hanya  senyum yang dapat membuat  hari-hari yang gelap menjadi cerah. Semoga kamu  menemukan orang seperti itu.

 2. Ada saat-saat dalam hidup ketika kamu sangat merindukan seseorang, sehingga ingin hati menjemputnya dari alam mimpi dan memeluknya dalam alam nyata. Semoga kamu memimpikan orang seperti itu.

KAKAWIHAN BARUDAK

1. Ucang ucang angge
mulung muncang ka parangge
digogog ku anjing gede
anjing gede nu Pa Lebe
ari gog gog cungungung

2. Trang trang kolentrang
si londok paeh nundutan
mesat gobang kabuyutan
tikusruk kana durukan

MIASIH

Dina linduh eta teuteup, katawis aya asih nu mandiri
Dina kareueut imutna, aya tresna nu teu bukti
Sakapeung ieu hate hayang kedal ku suara, hayang wakca ku carita, ngedalkeun eusining hate
Eta imut kanggo saha...?
Eta teuteup kanggo saha...?

Rupina anjeun ngaraos, aya kecap nu saati
Henteu kedal dilisankeun, tapi kedal dirasakeun
Saketi kasedih kingkin, salaksa kabeurat tungara
Wegah mun raga kedah paturay, sanajan urang pada teu wakca

Miasih teu kendat-kendat, mideudeuh teu suda-suda
Muga sanes ngan riwan ngabebenjo harepan, jungjunan...

MAPAG BAGEA

Nyaliksik sisi-sisi peuting, ngalelebah boa-boa papagan peteng, sugan jeung sugan salira barangtunda, sedeng bentang teu cukup nyaangan da bulan kahalangan mega malang, beh mana atuh ?

Da kiricik cainamah eces kadenge, siga jeung sugan laluncatan miheulaan kahayang, majar aya tiis sumanding marengan hegar,

Lalangse peuting ngandelan, poek mongkleng teu malire kahayang, kahayang nu geus lila disidem, satadina sugan ayeuna rek kajewang kadongkang

PUNGPURUTAN

Lebah dieu oge baheula urang paamprok bari tuluy paboro-boro muru kembang pungpurutan, direwod dialungkeun kana buuk, sawareh narapel kana baju

Pating cikikik pacampur maur na han peureus, silih elelan silih baledog ku daun sabeunangna ti sisi jalan

Sok culang cileung mun nincak pengkolan ieu, sieun anjeun ngadodoho miheulaan, taki-taki teu ieuh heureuy saestuna bener-bener najan urang keur heureuy

Tapi naha ari tadi, basa sonten urang kawenehan pendak deui saatos lawas teu silih udag nyepeng regang diulang-ulang, malih hareugeueun

Sanes pengkolan nu robih, malih kembang pungpurutan meujeuhna garing, ngan geuning urang teu gasik muru kembangna
Kalah anteng neuteup soca

Tuur siga alim incah lumpat,
Salira tungkul
Aya sora dareuda nalika salira naros, benten pisan sareng gerewek kapungkur
Teu karaos urang papada ngembeng cisoca, ngarencangan panangan patarema sasalaman, nganteur kecap 'kumaha damang ?', ragem sareng

Pungpurutan teu sieuneun ningal urang patepang, bari aya paraosan nu ngan ukur dugi kana 'geuning'
Geuning pengkolan jeung pungpurutan teh, kungsi jadi tempat nu nyidem rasa urang

Salira istri nu nganti, sedeng kuring teu manjing surti
Ayeuna bukti..
Peureus..., pageuh dina ati