“emang apa bade masihan artos ?”
“lain pan ku dewek bisa diomean meureun...”
“naha apa bisa ?”
“naha ari nyaneh... sok ngareken bapa silaing belegug... , tong boro ngomean dalah apanan silaing meunang saha siah, mana sapedahna...”
“eh punten apa, apanan abdi di sakolaan kasohor belet... sugan teh turunan ti apa...”
“ah silaing mah... eta mah turunan timana horeng... sakieu dewek cerdasna euy..., cik mana sapedahna...”
Berebet jang hardi lumpat nyokot sapedah... nu ngajugrug dipipir,
“ieu pa..., sapedah teh rusak teu tiasa di boseh... ngeplos ..”
“cikan kumaha...?” ceuk mang suhayat bari muter-muter pedal sapedah..., bari pokna “ oh enya jang siga diputer katukang nya ngeplos... ieu mah piriwilna jang beak...”
“beak pa ? saha nu ngadahar atuhnya... da piraku ku ema dibubuymah..”
“lain ... siah ieu teh ngarana haus euy... gigina rompal....”
“alah paingan atuh... ke pa sakedap....” ceuk jang hardi bari berebet ka jero dapur...
“ieu pa...gelasna... ieu caina....”
“keur nanahaon sia teh hardi...?"
“enya keur eta piriwil... cenah haus nepi huntu beak sigana digegelan....”
“ari silaing sadut.... lain haus hayang nginum... waduh nyaan budak dewek juara belegugnamah...”
“terus kumaha atuh...,?”
“ieu kudu diganti....kudu meuli.... ke dagoan sakeudeung, dewek rek meuli heula piriwilna ka pa acu”
“nya pa ceuk uing ge lain kudu diomean... kudu diduitan...”
“cicing.... ngajedog we sia ah...” ceuk mang suhayat bari terus ngaleos maksud rek meuli piriwil...
“jang balikeun sapedahna...!”
“nya moal ditarima atuh apa... salian geus lila teh apanan rusak...”
“maksud silaing ?"
“enya apa nitah malikeun ka tokona lain ?”
“lain ...kehed... balikeun, tangkarakeun...”
“oooohhhhh..... suganteh....”
***Sawatara waktu....
“Tah euy geus beres... jang” ceuk mang suhayat bari muter muter pedal sapedah ka arah ban hareup nu sapedahna masih nangkarak....
“asik apa nuhun.... nyaan apa pinter, artina uing mah nurun ti ema meureun nya belegugna...” ceuk jang hardi bari lumpat ngadorong sapedah....Teu kungsi lila jang hardi balik deui bari haruhah harehoh.... awak leutakan... jeung ban sapedah ringsek...
“apa....apaaaaaa..... sapedah teh kedah anggo sapion...”
“naha ?”
“tadi ku ujang ieu sapedah di boseh ka payun ngeplos.... tapi ka tukang henteu, jadi ban nateh majuna ka tukang jadi mundur... sae pisan pa, ngan teu aya sapionna... jadi ujang tabrakan jeung munding... dasar tah munding teu aya kalaksonan...”
“euh jadol euy... tibalik piriwilna jang euy... kadieu urang benerkeun...deui...,”
“tapi apa ban-na rusak....”
“gampang eta mah urang make ban sapedah maneh nu sapedaha mini we da sarua buleud..., tangkarakeun deui jang....”
“nyaan pinter apa euy...” ceuk jang hardi bari nangkarakeun sapedah....
***
“jang yeuh bener gera ayeuna mah... nam gera ulin....”
“asiiiikkkkkkkkk.... apa uing pinter...” ceuk jang hardi bari langsung kalacat kana sapedah...... nu terus di boseh satakerna....Keooookkkk...
“kunaon hardiiiii....?”
“apa ieu sapedah keur dina galengan nya..., pokona keur dina galengan apaaaaa.... ieu tarang buncunur....”
“naha ari maneh...”
“enya muih ban-na geus bener tapi pas di boseh pedalna nugteg kana taneuh da ban-na leutik, jadi ... ujang... ngajuralit kana kandang hayam...., jadi mun dina galengan moal... da pedalna hiji kasawah hiji ka gawir.... jadi moal nugteg....”
“kutan kitu ....”
“apa jadi uing turunan apa nya ? bener kan, bener... pan sarua..., apa baheula disakola sarua nya juara belegug....” ceuk jang hardi bari ceurik
http://www.facebook.com/komarudin?v=app_2347471856&ref=profile#/notes/komarudin-dahlan/sapedah/188039005259
Tidak ada komentar:
Posting Komentar