SABULANG BENTOR

rebun-rebun pa erwe geus nyemah tara-tara tisasarina...,

"sep geus aya beja bumi abah kaasupan maling ?" pokna pa erwe nanya, saeungeus si asep ngajawab uluk salamna pa erwe jeung mukakeun panto
"iraha pa erwe ?, teu nanaon abah jeung emihna ?, naon nu dirampogna ?"
"tadi peuting cenah...sep,....abahna apanan jeung emihna mah keur nyaba, yu ah urang nempo bari netelakeun"
"hayu... pa "
"ke sep mamah ge rek ngilu cenah, ajak mang odoy jeung ibi ilaing"
"enya pa..."

bring genepan ngabring rek nempo abah elan nu cenah imahna karampogan...

"wa'alaikum salam....mangga..mangga kalebet " ceuk mih ocih pamajikan abah elan nembalan uluksalamna si asep bari terus ngaku

"saurna wengi aya panca longok mih ?" ceuk pa erwe
"muhun pa erwe...puguh asa teungteuingen eta bangsat"

"naon wae nu di candak teh ?"
"eta pare tilu karung nyi mimin..."

"timana lebetna etateh mih ?"
"duka sep..da jandela jeung pantomah teu aya nu ruksak, teu aya urut nyokel oge..., siganamah tina kenteng dapur"

"ah tong seueur diemutan mih.... keun we mugia enggal kagentosan kunu langkung sae mungguh Anjeuna mih"
"muhun...nuhun asep.."

"ari abahna kamana mih...?
"tadi teh kasawah cenah... rek nempo meunang tandur, sok ah caralik tah geuning ari cai-caimah aya"

"enya nuhun...mih"

"pa erwe... sok eta lain pangaresep eta cai ?, geuning belaan tara sare peuting majar teh butuh cai, jeung gudag gidig disolokan, tah pan eta ayeunamah di jagragkeun.."
"ah ilaing mah sep, eta mah cai nyebor... keur sawah, lain cai enteh atuh, lain nya euy eta bangsat nanahaon make maling pare sagala rupa, urang mana da meureun mun urang dieu mah maenya karek usum panen geus madog.."

"eta bangsat sabenerna lain rek mawa pare..., tapi tadina rek mawa lomari, ngan sigana karek kapikiran manehna hese neang batur keur ngagotong da peuting keneh, jeung manehna inget yeun mun maok ulah aya jelema sejen nu nyahoeun" ceuk bi mimin mairan

"sigana kitu tah da teu kabayangkeun atuh rampual rampeolna eta bangsat lamun nyuhun lomari, bari meureun moal mapay jalan duh matak tidadalagor meureunnya.... bener oge nyi, calakan tah bangsat teh nya euy" ceuk pa erwe

"heueuh mun urang mah bawa imahna...pangku..terus ke mun geus di imah manehna, tinggal buka kabeh pantona.... terus tengtengkeun, pan racleng tah sabangsa, katel, siwur, seeng tetenong, tipi, radio pokona sagagalana, kasuluh-suluh pan kabawa, jadi moal ripuh ngakutan, jaba moal kudu keketeyepan di pipir..., sangeus beres pulangkeun deui imahna, da mun sakalian dipaokmah katingali heueuh we..." ceuk mang odoy bari nyolongkrong kana kulub hui

"heueuh bener kudunamah kitu da doy euy... ngabangsat teh siga ngurek hese kudu hiji-hiji nya ! jaba kudu jempling ulah gegebrig, pan urang mah mun hayang belut... tingal indit ka sawah gulungkeun we sagaleng mah, bawa ka imah, di imah pentangkeun...., pan rantuy tah belut... tingal ngarorod, balikeun deui we galengna nya euy, teu kudu hese cukcrek nurutan bancet.... dasar bangsat belegug"

"ceuk iling tadi bangsat calakan we... teu puguh ilaing mah" ceuk mang ahim nu titatadi mesem

"dianulir him euy.... meunang pan, lain urang mencla mencle apalagih tidak mempunyaih komitmen...tapih kondisi yang dinamis menuntut sayah seperti begituh...."

"alah siah erwe siga nu heueuh...., lain maneh bisa geuning ngomong siga nu dina tipi euy... make siga nu reueus tur gaya sigana ngajejeleh batur teh apanan"

"ari silaing doy...ander estimet pisan ka dewek..., naha dewek jadi erwe teh hanyah kebetulan kituh ? tidak men...tidak kebetulan, tapi sayah punyah kronologis...punyah reklameh dan yang paling utamah sayah punyah koalisih..."

"naon eta teh hartina asa teu nyararambung silaing mah...."

"eh euy him...moal katepi ku nu sakola ngan mayar kusuluh mah siah... dewek sakola mayarna ku jukut satanggungan jadi dewek calakan..., namun sebegitunyah kamuh tidak pantes nanyah artinyah sabab sebegitu juga sayah ngomong sudah uyuhan...sebab sayah letah boled jadi rada tipaparetot..."

"alah.....mani riweuh erwe maneh, mending ieu we lah hui puguh-puguh seubeuh tibatan ngadengekeun maneh mah lah, maneh dijadikeun erwe teh lain pinter euy, tapi maneh sagala bisa utamanamah bisa ngelehan..., bisa nitah batur jeung mun teu keuna maneh lolobana bisa ngelehan.... kajeun ngaronda tiap peuting ge maneh mah daek apanan, mun nitah kumpulan heug arembungen pan maneh mah daek kumpulan sosoranganan nya ?"

"montong kitu doy... eta hui kadaharan urang kota siah..., montong era ngadahar hui, ayeuna urang kota loba neangan hui.... makana hui ti lembur urang payu, sebut we hui cilembu, padahal pan hui menes biasa nu baredegul euy"

"heueuh... lah ngan aya bedana saeutik we..., lamun urang kota ngadahar hui paling remen saminggu sakali, ari urang utamana ilaing unggal poe siah euy...apanan eta irung oge nepi siga galengan hui, hitut...kesang...rengos oge kabeh cap boled euy"

“eh teu kituna doy... dewek mah bagja bisa nyebut... sok eta hui ti kebon lebak...., eta cau ti tetelar...., tibatan sok mangga eta hui ti jepang.... sampeu ti kanada.... bilih hoyong nyobian taleus mangga tah nembe kenging ngarabut ti walanda...”

“naha kitu silaing we embung hasil tatanen urang bule ?” ceuk mang ahaim deui bari cacamuilan kana hui menang ngulub

“lain embung euy... ngan dewek mah sigana cape kudu ngagidig ngarabut sampeu ka kanada... tuluy ngala taleus ka walanda..... bari balik nyampeur hui di jepang...teu kabayang luut leet na eta dewek ngesang, da sigana moal aya sado ari ka lembur bule mah meureun”

“lain tapi naha nya euy loba nu raresep kana urang luar teh, naha didituna emang leuwih hade batan urang kitu ?” ceuk bi mimin nu titadi nyerengeh... mairan deui bari menerkeun emokna.

“ari lebah dinyana mah apanan urang teh hirup natangga nyi.... wajar resep ka imah batur malah resep ka eusina atawa tatanan hirup kulawargana, teu nanaon eta teh, ngan nya kitu ulah soteh cul dogdog tingal igel, poho yeun urang apanan boga kulawarga sorangan, jeung bakal boga ciriwanci sorangan, atuh nu alusna jeung payus ditiru, teu salah keur di larapkeun di urang, anapon kitu atuh mun aya gorengna cukup jieun eunteung supaya urang ulah ngalakukeun hal nu sarupa.... ulah soteh maksakeun geledegan hayang siga manehna, apanan meri tetep meri pon kitu deui etog tetep entog, sakirana meri teu uyahan hayang entog atawa sabalikna entog hayang meri, antukna meri bukan entog lain ”

“alah eta si erwe meni capetang....pertentang siga nu enya euy....” mih ocih mairan bari nyicikeun cai enteh nambahan kanu lumur sarerea bari pok deui ....”ari engke rek nyalon deui kitu erwe ? denge-denge mah jang dedi rek nyalon apanan”

“ah teu kudu nyalon pa erwe bosen euy....” ceuk si asep...

“heueuh teu kudu nya we... “ mang ahim oge nambahan

“kieu euy...ari nyalon teh meh mere kasempetan kanu milih, meh aya piliheun jeung kanu patandang mere sumanget supaya aya usaha nembrakeun kamampuhan jeung kaparigelanna....”

“tapi we sok haneut euy... aing panas ceuli teu di sawah teu di golodog... pararanas, puguheun mun hareupeun hawu mah ngaheab tah...” mang odoy nempas bari ngalieuk ka mang ahim bangun menta dihaminan

“bener kitu we euy... ah rawing ceuli aing mah, kaitu kumaha ka ilaing kumaha....”

“eh ulah ewed ku kituna.... hal eta perlu, apanan panas teh ciciren keur diasakeun, keur digodog... ameh naon ? ameh asak euy....naha silaing daek barang dahar nu atah.... matak nyeri beuteung nyaho !, aya eta oge nu diharar atah-atah tapi saking amek siah biasana, apanan ‘ku aing dilegleg atah-atah siah..’ atawa ‘jurig atah pisan..’ pan kitu euy...” ceuk pa erwe bari menerkeun kopehna....

"naha didahar kitu maneh we...apanan ieumah milih.." ceuk mang ahim nempas

"heueuh...lah milih bel, naha daek milih jelema atah atawa silaing jadi numilih teu asak ? " pok deui pa erwe neruskeun caritaanna...” keur saha atuh eta teh?.... keur urang sarerea euy...., lain ngan keur nu rek dipilih tapi oge keur ngasakeun nu rek milih....., ulah soteh dina eta ngasakeun bahe pangulubanna, ku saha bisa bahe ? heueuh ku nu ngasakeun tangtuna... da ari ngagolakna sanajan nepi ngalemereh moal nyababkeun bahe tapi alus ..... tah kitu euy”

“jadi pa erwe.... meureun urang ulah sieun ku panas sanajan bari ditakolan.... lamun urang nyaho jeung sadar yen urang keur dijieun bedog... apanan bedog teh asalna beusinya terus dibeuleum nepi ka ruhay eh can oge leler panas ana habek-habek teh ditakolan, kitu pa erwe ?” ceu si asep nu ngabndungan bangun daria pisan

"naha ilaing beusi pibedogeun kitu asep ?"

"lain uing mah manusa, atuh mang odoy"

"naha atuh... make beuleum, ruhay, takol sagala ?"

"eh pan meh asak... meureun, beusi jadi bedog..., manusa jadi jelema"

“enya kitu tah kapanggih geuning....jadi ulah ngangluh.... nganaha-naha cenah beusi itumah henteu, beusi ieumah heunteu.... sabab panday oge milih beusi teh milih mana keur etem, mana keur parang, mana keur bedog malah mana keur gobang.....komo nepi ka pasea kored jeung kored, pacul jeung pacul... pan eta teh katingali can arasakna teh, make silih jejeleh, pakoet-koet kored jeung kored apanan sarua kored...... nu kitu kored samedut hehehehehe”

“ari kamari erwe maneh nginjeum linggis keur naon....?”

“keur nyukil.....hulu hayam pelung dewek... da saking alusna eta kongkorongok nepi huluna nanceub kanu taneuh euy.... mebes siah...”

“oh anu indungna mah mun ngendog loba pisan nya ? nepi ka lamun ngendog, parat endog panungtung bijil....., endog mungaran megar nya we.....”

“mingeus ah.... geus beurang yeuh hayu pamit...., sugan ke panggih jeung abah di sawah.... kalahka sabulang bentor....jaba gede rahul” ceuk mang odoy bari ngudar sila

"iyah ah hayu dimari mih ocih... kami pamit, da sayah teh ti besok-besok belum mandi-mandi belum (=ti isuk-isuk can mandi mandi acan) doy hati-hati maneh kalow ke sungapan leueur sayah juga tisereuleu hampir tikusruk"

"mingeus erwe ah..."




(tukang giribig)