DA TOS JELAS YEN ETA TEH.......???!!!

tok...tok...tok... sora pamupus nu diktrok-ketrokeun kana meja ku ibu guru rita bari diteruskeun ku cariosan..."tos....tos....atos.... kasep .... geulis.... ulah ribut sareng heureuy wae.... sok enggal caralik...." pokna bari teras bu rita nyimpen buku-buku dina meja.....

barudak lalaki nudiuk ditukang.... masih keneh ribut heureuy keneh silih baledog ku kertas nu dibuleud-buleud..., silih degungkeun.... malah aya sawatara urang nu balangor pisanmah make silih kadek sagala....(bohong ketang)... luluguna anu bangor teh katelah udung... budak badeur saalam dunya, enya dunya kelas eta.....


"dung....uduuung... minggeus... ulah heureuy wae..." saur bu rita bari teu antaparah...eta pamupus ditengorkeun ka udung...., dasar udung budak bangor... eta pamupus malah disangap jeung terus dihuapkeun...(bohong ketang 2x)

"ayeuna ibu bade ngajar matematika ku dongeng.... regepkeun nya...!!!!"

"enyaaaaaaaaaaaaaaaaa.........." tembal barudak meni reang

"dina dahan aya manuk genep....keur carineten, teu kungsi lila aya tukang bebedil, eta manuk dibedil ku tukang bebedil tea... manuk teh kabedil hiji nepi ka muragna kana taneuh.... patarosa ibu... sesa manuk aya sabaraha ....????, cobiiii....... nu tiasa ngacuuuuungngng......!!!!"

"enoooooooolllllllllllllll.... bu" ceuk udung ti tukang ngagorowok bari ngacung

"saneeeeesssssssss.... cobi emut sareng etang deui dung..." saur bu rita

"eeeeeeennnnnnooooooooolllllllllllll...... ibuuuuu..... enollllllllllll...." ceuk udung beuki narikan ngagorowokna....

"saneeeeeeeessssssss....... cobi nusanesnaaaaaa....."

"ibu... ibu ritaaaaa....."

"enya dung.... aya naon....???"

"saur abdi enol...., enol.... bu...."

"hehhehehe.... sanes dung, tapi cobi terangkeun naha make enol atuh...."

udung atoh dibere kasempetan keur nerangkeun naha enol..... manehna naek kana bangku, sroooddd... ngangsrorkeun calanana nu ngaleke, trus.... ngalamot dampal leungeun anu terus dipake nyisir buukna nu make gaya mohang mun ayeunamah...., teu poho jurus kameumeut nya eta nangtungkeun samleh sabeulah.... bari disusutkeun kana ceuli... (bohong ketang 3x) bari pokna

"kieu bu.... kumargi eta manuk nu hiji katembak tug dugi ka murag, atuh dina taneuh geutih ngabayabah.... tah manuk nu sanesna sibuk haliber aya nu nyumput sabab gila ningali getih...., duaan hiber neangan awi keur ngagotong.... hiji hiber ka rumahsakit susuganan bisa neang dokter... tah nu hiji deui lapor pulisi yen aya....pembunuhan.... kitu tah bu"

"eta waleran sanes nudipiharep ku ibu...., nu leres... 6 - 1 = 5, tapi teunanaon ibu reueus ku waleran hidep sabab gaduh pola pikir anu kitu....ibu oge jadi terang alesanna...." saur bu rita bari ngusapan sirah udung....

"bu...bu... wios udung naros ?"

"mangga dung.... naros naon ?"

"kieu bu aya istri opatan..... sadayana nuju nuang permen loli...., nu hiji nuangna di cetrok...., nu hiji ni alungkeun teras di sanggap ku bahamna.... nu katilu dilamotan bari dikolomoh.... nu ka opat dipekprek teras dibaheum..., patarosanna.... tina opat istri eta mana nu tos nikah...???"

bu rita ngarenjag.... hareugeueun.... naha budak geus nanya nukieu patut... pikirna bari pok ; "dung naha hidep naros kitu ??? etamah teu acan waktosna kasep...."

"waler heula we bu...."

bu rita kapaksa bari semu bareureum beungeut era parada... anjeuna ngawalon...

" istri nu ka tilu dung... nu dilamotan bari dikolomoh..." pokna

"hehehe.... waleran ibu sanes waleran nu pikaharep ku udung.... margi istri nu tos nikah eta istri nu nganggo cincin kawin malihan langkung sae pami ningal KTP-na...." ceuk udung asa meunang bari pok deui :

"TAPI UDUNG REUEUS KU WALERAN IBU SANAOS UDUNG MOAL NAROS ALESANNA.... DA TOS JELAS YEN ETA TEH.......???!!!!"