NYAAN JAGO PISAN ETA SETAN....

"Di diri manusa (sakabehna) aya nu disebut hate..... tah hate teh sok ngomong merenyaho kana kahadean (wungkul) jang..." ceuk bapa kuring basa peuting tadi

kuring ngobrol ngariung di bale imah... diatarana aya adi uing jeung pamajikanna da kabeneran keur cuti cenah..., uplek pisan ngobrol bari babarakatakan..., maksudteh hayang ngahibur kolot nu ngan ukur tingal sabeulah sasemplek....

pok deui pun bapa : "gera pek euy ku silaing titenan..., ngan padah dina prakna eta hate mere nyaho kana kahadean sok eleh ku sora atawa omongan setan anu jago euy,"

"maksud na pa ?"

"heueuh gera contona; mun urang keur halodo rek nyebor sawah....., urang rek menet kuluwung batur; hate mere nyaho ; 'ulah euy pan ayeuna waktuna batur ke 10 menit deui', setan mere sora oge ' ah geus tingal saeutik barinage, jaba ke bakal ngemplang da nutupna pan moal sakaligus saat..."

Mun ningali baramaen....'bere euy karunya...'
anapok teh ' ieu tah nu kieu... nu ngotoran kota, mun mere teu ngadidik... nitah pangedulan... teu mikir... kuduna pamarentah sayaga keur nu kararieu...cing atuh tertibkeun

har itu gera... mere hanteu kukulutus bari nyarekan batur nu jelasnamah...

Mun miceun runtah....'ulah euy.., ulah didinya tuh dina wadahna...'
Anapok : ' lamun euweuh nu ngamimitian mah... urang ge moal, tuh tingali batur urutnage miceun didinya...'

eleuh jadi siga bener.... ngilu ka batur...mmmhhh...

Mun dijalan macet aya mobil rek asup ti sisi atawa rek muter..'bere jalan euy'
'ah ngenah wae.... bebeskeun huluna... nah kahalangan pan, bari ngareret tina sepion teh seuri siga nu atoh....'

alah eta gera padahal mun dibere oge pan jadi patutur-tutur... paling beda sababaraha menit moal beda poe...

Mun aya nu ngajak mabok ....'ulah euy haram...'
'da saeutik ieuh.... jaba ngajenan babaturan.... teungeunah pan ku batur disangka urang teu ngajenan..., ieu mah apan ciri pergaulan wungkul...."

mmmhhh.... siga nyaan ajen batur teh geuning ngan ukur ku regot mabok

Mun aya nini-nini atawa aki-aki rek meuntas ...; 'tulungan euy pang meuntaskeun..'
'alah eta teh budakna atawa incuna kamana teu dibaturan kumaha mun keur meuntas katabrak... dasar teu nyaah ka kolot... atawa sigana ieu kolot mawa karep sorangan...'

eta-eta naha jadi nyarekan... meuntaskeun mah henteu....

Mun aya pagawe dibere sogokan....'tong ditarima euy lain hakna'
'urang gawe teh cape...., jalan ge aya jalan tol nya lamun hayang gancang kudu mayar atuh..., jaba urang mah teu menta... manehna nu mere da... mun teu ditarima ke urang disangka nyapirakeun...'

alah... naha cape ?? naha teu digajih kitu ?? jeung make cig2 ka jalan tol....

Mun kolot geus rerempo : 'tempoan euy jeung urus, pan eta kolot urang...'
'eh.. iraha atuh pan urang ripuh..., urang geus kulawarga..., jaba ngerakeun pan da rada ngawilur... belikan..., ogoan.... bae we da ku urang geus dibere pembantu nu ngajaga jeung minuhan pangabutuhna...'

ck...ck...ck..., kumaha basa manehna keur budak ngompolan..., modolan.... malah nepi kadang teu sare cacap sapeuting.... eh kolotnamah nyebut lucu we bari di timang... padahal keur jibrug ku ompolna... majar teh cukup ku nyebut ah pantes da budak....

Mun aya nu rek nyemah....'tarima euy manjangkeun silaturahmi...'
'bibiiiiii...... bejakeun eweuh.... da atuh hayang istirahat...., cape gawe pinuh.... bari nage paling rek menta sumbangan...'

duh eta gera.... naha nabi nitah terus silaturahmi teh nitah cape kitu ???

Mun di jalan aya nu nyiap mobil nu ditumpakan...'bere jalan rusuh meureun...'
'edas... teu nyahoeun mobil urang... mobil aing pedal gasna lain tikotok siah... jadi urang teu sieun nincak gas....dibalapan siah...'

alah eta....???

Mun aya nu mere nyaho kana kahadean....'dengekeun euy jeung usaha laksanakeun'
'alah siah ngomong we.... cing maneh nu ngomongna geus migawean acan... tong waka ngomong lakukeun heula sorangan gandeng siah ah...'

har..... tapi naha teu protes kana pancuran nu tara mandi mah, nya ?


"muhun kitu panginten apa..." ceuk kuring... bari ngentepan gelas da maksud teh rek indit deui kuli....

"kade silaing.... eleh jang... da setan teh jagoan,,,,,"

di jalan kuring mikiran obrolan tadi... basa ditanjakan aya nu nyiap.... ampiiirrrrr....

NYAAN JAGO PISAN SETAN....

walahualam...


(tukang giribig)